Sindicato Nacional de Comisións Obreiras de Galicia | 3 Abril 2025.

CCOO impulsa un documental sonoro para reivindicar a loita sindical

    A Confederación Sindical de CCOO promove Todas las veces que ganamos, un documental sonoro que reivindica o papel fundamental da clase traballadora organizada na conquista de dereitos sociais e laborais ao longo da historia recente de España. O primeiro capítulo do proxecto, creado en colaboración con Podium Podcast, está dispoñible xa na súa web, na súa aplicación e no seu canal de YouTube, así como nas principais plataformas de audio.

    14/03/2025.
    'Todas las veces que ganamos' é un documental sonoro que reivindica a loita sindical

    'Todas las veces que ganamos' é un documental sonoro que reivindica a loita sindical

    Narrado e guionizado polo escritor Daniel Bernabé, este documental divídese en cinco episodios que se estrearán de forma quincenal. A través deles, explóranse os fitos máis relevantes do movemento sindical, desde finais do século XIX ata a actualidade, servindo como exercicio de memoria para as xeracións veteranas e como fonte de coñecemento para as máis novas.

    Entre os temas abordados en Todas las veces que ganamos destacan a importancia das folgas, a loita contra os accidentes laborais e a exposición a materiais perigosos como o amianto, o papel das mulleres no sindicalismo e a defensa dos dereitos laborais durante a pandemia.

    O documental conta coa voz da xornalista da Cadena SER Raquel García, a produción de Chevi Dorado e a produción executiva de Elia Fernández Granados.

    Con este proxecto, CCOO reafirma o seu compromiso coa xustiza social e a dignificación do traballo, amosando como a mobilización sindical foi e segue a ser clave na construción dun país máis igualitario e democrático.

    Onde podo escoitar o primeiro capítulo?

    O primeiro capítulo está xa dispoñible nas principais aplicacións de pódcast.

      •