Sindicato Nacional de Comisións Obreiras de Galicia | 4 Abril 2025.

Actos en Ferrol o 10 de Marzo

    O vindeiro 10 de Marzo, Día da Clase Obreira Galega, CCOO convoca unha manifestación ás 12 horas desde os estaleiros de Navantia ata o Monumento ao Dez de Marzo.

    04/03/2025.
    Cartel anunciador da manifestación do 10 de Marzo deste ano

    Cartel anunciador da manifestación do 10 de Marzo deste ano

    Baixo o lema «Forza para avanzar», a manifestación lembrará un ano máis a importancia da loita sindical para mellorar as condicións de vida da clase obreira galega, que constitúe a maioría social do noso país.

    A manifestación será a culminación dos actos propios de CCOO con motivo do Día da Clase Obreira Galega e que inclúen a entrega dos Premios 10 de Marzo, nun acto que terá lugar o sábado, día 8, en Santiago de Compostela.

    Acto institucional

    Unha hora antes, ás 11:00, terá lugar a xa tradicional ofrenda floral organizada polo Concello de Ferrol, onde CCOO tamén estará presente.