Sindicato Nacional de Comisións Obreiras de Galicia | 3 Abril 2025.

CCOO participou na manifestación nacional pola lingua con reivindicacións para o ensino

    O Sindicato Nacional de CCOO participou o domingo na manifestación pola lingua convocada pola plataforma Queremos Galego. Á mobilización asistiu unha ampla delegación do sindicato, incluída a súa secretaria xeral, Amelia Pérez, que estivo na pancarta que encabezaba a marcha.

    24/02/2025.

    URL | C�digo para insertar

    Participación de CCOO na manifestación convocada por Queremos Galego (23/2/2025)

    Participación de CCOO na manifestación convocada por Queremos Galego (23/2/2025)

    O ensino, un ámbito «fundamental»

    O sindicato tamén contou con pancarta propia, na que reclamaba maior peso da nosa lingua no ensino. Neste sentido, Amelia Pérez destacou que o educativo é un ámbito «fundamental» para garantir a supervivencia do idioma. De feito, Comisións Obreiras opúxose «desde o primeiro momento» ao chamado decreto do plurilingüismo, por considerar que rebaixaba a presenza do galego neste eido.

    Ademais, este decreto significou, por vez primeira, un «cambio non consensuado» no que respecta á política lingüística —critica a sindicalista—, pois saíu adiante só polo impulso do Partido Popular, mentres que a Lei de normalización lingüística (1983) e o Plan xeral de normalización da lingua galega (2004) contaran cun consenso unánime.

    Todos os estudos e informes dispoñibles evidencian a preocupante perda de falantes e a progresiva redución do uso social do galego, unha dinámica acelerada nos últimos anos, precisamente desde que o dito decreto está en vigor.

    Está «en risco» o papel da CRTVG

    Desde CCOO tamén se puxo de manifesto que está en risco o «papel clave» da CRTVG como axente normalizador. Neste sentido, o sindicato presentou alegacións ao Proxecto de Lei de servizos dos medios públicos de comunicación audiovisual de Galicia para a sociedade dixital, para frear a pretensión do PP de emitir contidos en castelán ou en inglés.

      •