Sindicato Nacional de Comisións Obreiras de Galicia | 4 Abril 2025.

IN MEMÓRIAM

Querido e estimado compañeiro Santos, que a terra che sexa leve

    As CCOO de Galicia lamenta o falecemento, o venres 20 de decembro, do compañeiro Santos Costas Barroso e trasládalles aos seus familiares, amizades, compañeiros e compañeiras a máis cálida aperta e súmase á dor que supón a perda de «Santos».

    23/12/2024.
    Compañeiro Santos, que a terra che sexa leve.

    Compañeiro Santos, que a terra che sexa leve.

    Nado nunha familia emigrada a Francia, traballou na siderurxia e construción. As súas ideas progresistas levárono a loitar por mellorar as condicións sociais, en Francia nas filas de CGT onde emigrou o seu pai, e de volta a Galicia no Partido Comunista e nas Comisións Obreiras. 

    Retornado a Galicia tras máis de unha década en Francia, participou na clandestinidade da creación da delegación de CCOO en Lugo e Ourense, estando afiliado ao Partido Comunista, do que sería un dos fundadores en Galicia. 

    Santos destacouse pola presencia nas manifestacións por causa xustas que percorreron Lugo e Galicia en particular da clase traballadora. Para as CCOO de Galicia, «o compromiso de Costas Barroso coa democracia e o sindicalismo durante toda a súa vida foi Inquebrantable. Por elo padeceu a persecución franquista. É unha herdanza que debemos defender, nun momento en que a situación mundial está a servir a ultra dereita de escusa para esvaecer a nosa cultura e o noso estado social e de dereito.» 

    Motivado polas inquedanzas de transformación social e antifascistas, non pode negárselle a loita polas liberdades e a Democracia o que levoulle a pasar por diversas etapas nas cárceres. Gustáballe repetir que: «se volvera nacer, faría ou mesmo»

    Paticipou en distintas estruturas de dirección do sindicato, sendo recoñecida a súa labor polo Sindicato Nacional de CCOO e a súa fundación outorgándolle o Premio 10 de Marzo como recoñecemento a unha vida de entrega á causa da clase traballadora. 

    A despedida foi na máis estrita intimidade xa que deixou dito que, tras o seu falecemento, non se celebrase ningún acto fúnebre.

      •