Segundo lle explicou o administrador xudicial ao comité, a decisión procura protexter o patrimonio da empresa ante posibles embargos.

Os traballadores e traballadoras de Alu Ibérica volvéronse mobilizar o xoves na Coruña para esixir a implicación das Administracións na procura dunha solución á «dramática» situación da planta de aluminios coruñesa. O presidente do comité de empresa, Juan Carlos López Corbacho (CCOO), advertiu diante da Delegación do Goberno que «sen a planta activa, morremos».

A empresa carece de liquidez nas contas que foron revisadas, polo que se estudará un ERTE que lle permita ao persoal asegurar ingresos.

Un xoves máis, os traballadores e traballadoras da fábrica de Alu Ibérica, a antiga Alcoa-A Coruña, volveron ás rúas para denunciar a situación «crítica» que atravesa a factoría, neste caso cunha concentración diante da Delegación do Goberno. Á intervención xudicial, falta de proxecto industrial e ausencia de actividade súmase agora a falta de pagamento a provedores e a ameaza do corte do subministro eléctrico.

A decisión xudicial obriga a multinacional estadounidense a cumprir as condicións pactadas o 15 de xaneiro de 2019, que considera plenamente vixentes.

Dous días despois da sentenza da Audiencia Nacional que condena a Alcoa, esixiron que o Goberno de España interveña a planta, actualmente baixo contro xudicial.

Segundo CCOO-Industria, «confírmase explicitamente o incumprimento de todo o relativo a un proceso de reindustrialización e venda a un comprador serio, solvente e rigoroso que se fixese cargo das plantas».

O xoves, 20 de maio, comezou na Audiencia Nacional o xuízo contra Alcoa, Parter Capital e Grupo Riesgo. Os servizos xurídicos de CCOO defenderon a tese de que estas empresas «estafaron» o persoal.

O Xulgado Central de Instrución n.º 3 da Audiencia Nacional decidiu intervir xudicialmente a plantas plantas de Alu Ibérica na Coruña e na localidade asturiana de Avilés (Alu Ibérica LC e Alu Ibérica AVL), así como outras catro sociedades.

Este xoves, os comités de empresa de Alu Ibérica na Coruña e Avilés, xunta unha ampla representación sindical, concentráronse diante do Ministerio de Industria, en Madrid.

Mañá mércores, o comité de empresa de Alu Ibérica reunirase, a partir das 16 horas, cos voceiros dos grupos parlamentarios do PP, BNG e PSOE da comisión de industria do Parlamento de Galicia.

A mesma situación xa se dera semanas atrás, xusto despois do rexistro da fábrica coruñesa por parte da UDEF.

Os secretarios xerais de Comisións Obreiras, UGT e CIG fixeron hoxe un chamamento a participar na manifestación convocada para o sábado, 27 de marzo, contra a represión practicada pola dirección de Alu Ibérica.

A sucesión de despedimentos desde o mes de decembro na Sociedade Alu Ibérica, LC SL (antiga Alcoa A Coruña) acredita un paso adiante na espiral de violencia empresarial que busca o desmantelamento da factoría coruñesa.

Xa parara desde o pasado xoves, cando a Unidade de Delincuencia Económica e Fiscal (UDEF) rexistraba a fábrica.

A folga comarcal de Ferrol, a situación dos ERTE, a reforma laboral, a sentenza contra Alu Ibérica ou a xestión dos fondos europeos centraron a conversa coa televisión pública galega.

A sentenza declara probado a empresa «lesionou o dereito fundamental á liberdade sindical na súa vertente do dereito de folga».

O acto reivindicativo cadrou co comezo do xuízo, na Coruña, pola posible vulneración de dereitos sindicais durante a folga que tivo lugar entre decembro e xaneiro.

A protesta, na que só participaron membros do comité, tivo lugar o día en que debía comezar na Audiencia Nacional o xuízo pola venda da fábrica, finalmente adiado ao 20 de maio.

O sindicato pide que a Xustiza tome nota da «mala fe» das empresas denunciadas e insta o Goberno de España a «tomar cartas no asunto».

O comité de empresa de Alu Ibérica na Coruña decidiu suspender a folga e as mobilizacións mentres duren as restricións sanitarias, isto é, ata o vindeiro 17 de febreiro. Así o decidiron os sindicatos CCOO, UGT e CIG logo da mediación auspiciada pola Xunta de Galicia, que rematou sen acordo.

Os traballadores e traballadoras de Alu Ibérica, na Coruña, chegan este martes ás 32 xornadas de folga indefinida. Esixen a readmisión da compañeira despedida e a intervención pública da factoría ante os incumprimentos no proceso de venda.

Este sábado, 16 de xaneiro, cumpríronse 22 días de folga indefinida na planta de Alu Ibérica na Coruña. Após tres semanas de protestas, os traballadores e traballadoras percorreron varias rúas da cidade para pedir «xustiza».

Traballadores de Alu Ibérica, a antiga Alcoa-A Coruña, concentráronse o xoves á tarde diante do palacio municipal, na praza de María Pita, para reiterar a esixencia de que a fábrica sexa intervida polos poderes públicos. Persisten nesta reivindicación malia que xa hai data fixada para o xuízo contra a estadounidense Alcoa, o fondo suízo Parter e o Grupo Riesgo polos incumprimentos no proceso de venda.

Os traballadores de Alu Ibérica volvéronse concentrar o xoves ás portas da empresa. Desde o comité de empresa esíxenlle a Alcoa a reversión da venda debido aos incumprimentos, especialmente pola falta dun proxecto industrial. Así mesmo, a representación legal do persoal insta o Grupo Riesgo a «amosar as facturas» dos investimentos que afirma que realizou na planta coruñesa.

Os traballadores de Alu Ibérica non se renden e volveron saír á rúa o xoves para denunciar os incumprimentos do grupo industrial Riesgo, que actualmente controla a fábrica coruñesa que no seu día pertenceu a Alcoa.

O comité de Alu Ibérica denuncia que, a día de hoxe, a empresa non lle aboou a nómina de outubro «a unha parte importante» do persoal, malia que o pagamento debía ser efectivo o pasado día 28, hai case unha semana. Segundo os representantes dos traballadores e das traballadoras, o impagamento «parece premeditado», xa que afecta á maior parte do persoal que se atopa de baixa médica e, en menor número, a outros empregados. Segundo o comité, trátase dun feito «moi grave» e xa posto en coñecemento da autoridade laboral.

Como cada xoves, o comité de empresa de Alu Ibérica volveuse mobilizar para denunciar os incumprimentos no proceso de venda da antiga Alcoa-A Coruña, que nun primeiro momento pasou ao fondo suízo Parter e, posteriormente, ao Grupo Riesgo. Nesta ocasión, estenderon as súas reivindicacións á capital de Galicia, cunha concentración fronte á sede principal da Xunta. Xa pola tarde tivo lugar unha nova manifestación ás portas da factoría coruñesa.

O persoal de Alu Ibérica volveuse mobilizar o xoves contra os incuprimentos da empresa e a represión sindical. Ademais, o comité xa lle remitiu á Fiscalía un escrito coa intención de que o ministerio público presente unha demanda polos incumprimentos e irregularidades cometidos no proceso de venda. A factoría, propiedade da estadounidense Alcoa, foi vendida ao fondo suízo Parter e, posteriormente, ao Grupo Riesgo.

O persoal de Alu Ibérica volveuse mobilizar esta tarde na Coruña para rexeitar a «persecución sindical» por parte da actual dirección e para denunciar, tamén, os incumprimentos do Grupo Riesgo. Neste sentido, o comité de empresa avanzou que está a preparar unha denuncia na Fiscalía sobre o proceso de venda de Alcoa a Parter e, posteriormente, do grupo suízo a Riesgo.

O persoal de Alu Ibérica continúa a denunciar os incumprimentos do Grupo Riesgo, actual propietario da antiga Alcoa-A Coruña, e protagonizou unha nova concentración ás portas da factoría coruñesa.

Comisións Obreiras (CCOO) esixe a intervención pública de Alu Ibérica como mellor xeito de garantir o futuro da fábrica de aluminio da Coruña. O sindicato denuncia as «irregularidades» e os «incumprimentos» que se produciron desde que Alcoa lle vendeu a factoría ao grupo suízo Parter, que á súa vez lle revendeu a maioría das participacións ao Grupo Riesgo.

O persoal de Alu Ibérica, a antiga Alcoa-A Coruña, volveu saír hoxe á rúa para denunciar os incumprimentos do Grupo Riesgo, que actualmente xestiona a factoría. Desde o comité de empresa esixen a implicación da Xunta de Galicia e do Ministerio de Industria, que xunto co Goberno asturiano tutelaron o proceso de venda das factorías de Alcoa da Coruña e de Avilés.

O comité de empresa de Alu Ibérica conseguiu que o Ministerio de Industria convoque dúas reunións por videoconferencia para abordar o futuro da fábrica coruñesa. A presión sindical, que incluíu un peche durante boa parte da xornada do mércores no pazo de María Pita, conseguiu ese compromiso por parte do secretario xeral de Industria, Raúl Blanco.

A Federación de Industria de CCOO de Galicia deu unha conferencia de prensa hoxe na Coruña para se pronunciar sobre a grave situación que padece o sector galego do aluminio. O secretario xeral de CCOO-Industria, Víctor Ledo, rexeitou os despedimentos anunciados en Alcoa-San Cibrao, ao tempo que advertiu ao Grupo Riesgo que non consentirá ameazas ao comité de empresa de Alu Ibérica, a antiga Alcoa-A Coruña.

Unha caravana de vehículos percorreu este xoves varias rúas da Coruña en defensa do futuro de Alu Ibérica. Esta singular marchar realizou cinco veces o traxecto entre a factoría de aluminio primario e a Delegación do Goberno. Precisamente, o comité de empresa, presidido por CCOO, esixiulle ao Executivo central que nomee un xestor para asegurar a viabilidade da factoría.

A sección sindical de CCOO e o comité de empresa de Alu Ibérica LC (antiga Alcoa-A Coruña) cualifican de «gravidade extraordinaria» a situación da factoría coruñesa desde o pasado 15 de abril. Nesa data coñeceuse «de xeito sorpresivo» que o grupo Parter lle vendera case o 75 % das factorías da Coruña e a asturiana de Avilés ao Grupo Industrial Riesgo.

Ao redor de medio cento de traballadoras e traballadores acudiron hoxe aos xulgados da Coruña, na rúa Monforte, para apoiar a Diego, traballador de Alu Ibérica LC (antiga Alcoa-A Coruña) imputado polas protestas do ano pasado en Madrid. Na concentración estiveron, entre outros, o secretario xeral de CCOO, Ramón Sarmiento, o secretario xeral da Federación de Industria, Víctor Ledo, o secretario xeral da Unión Comarcal da Coruña, Cristóbal González, e o presidente do comité de empresa, Juan Carlos López Corbacho.

Comisións Obreiras (CCOO) arroupou hoxe en Ferrol os traballadores denunciados após a protesta do persoal de Alcoa en Madrid o pasado 28 de marzo. Ao abeiro da lei mordaza, foron denunciadas varias compañeiras e compañeiros que aquel día participaron na concentración que tiña lugar diante do Congreso dos Deputados. Traballadores (entre eles, dirixentes sindicais) e cargos públicos recibiron as citacións xudiciais por un suposto delito de «atentado» contra a autoridade.

Ao abeiro da lei mordaza, foron denunciadas varias compañeiras e compañeiros que o pasado 28 de marzo apoiaron en Madrid a concentración do persoal de Alcoa diante do Congreso dos Deputados. Traballadores, sindicalistas e cargos públicos recibiron as citacións xudiciais por un suposto delito de «atentado» contra a autoridade.

O comité de empresa de Alcoa na Coruña informa de que o xoves, 3 de xullo, chegouse a un acordo para ampliar ata o 31 de xullo o prazo de venda das factorías da cidade herculina e da localidade asturiana de Avilés, co mantemento das condicións laborais actuais ata ese día. Ese prazo será o mesmo que teña o grupo suízo Parter para presentar as garantías financeiras que acordou coa multinacional estadounidense.