Sindicato Nacional de Comisións Obreiras de Galicia

Sindicato Nacional de Comisións Obreiras de Galicia | 27 Abril 2024.

Sácalle partido á túa cota de afiliación

Sindicato Nacional de Comisións Obreiras de Galicia

Inicio

Ramón Sarmiento, sobre Alu Ibérica: «Pretenden pisarlle a cabeza á mobilización obreira»

Os secretarios xerais de CCOO, UGT e CIG apoiaron os traballadores despedidos pola antiga Alcoa-A Coruña
Haberá unha gran mobilización na Coruña o vindeiro 27 de marzo

Unha gran concentración arroupou os traballadores e traballadoras que despediu Alu Ibérica, entre eles catro representantes sindicais, incluído o presidente do comité de empresa. O acto reivindicativo cadrou co comezo do xuízo, na Coruña, pola posible vulneración de dereitos sindicais durante a folga que tivo lugar entre decembro e xaneiro.

26/02/2021.

Temas

Alu Ibérica

Concentración na Coruña contra a represión sindical en Alu Ibérica (26-2-2021)

Nesta concentración participaron os secretarios xerais de CCOO, UGT e CIG, que deste xeito escenificaron a unidade sindical contra a «represión» practicada por empresas como Alu Ibérica.

En declaracións aos medios de comunicación, o máximo responsable de CCOO, que estivo acompañado pola Comisión Executiva Nacional do sindicato, afirmou que estes despedimentos pretenden «esmagar a resposta social» e «pisarlle a cabeza á mobilización obreira».

Segundo Ramón Sarmiento, isto comezou «hai moitos anos, coa privatización de empresas como esta», a antiga Inespal, vendida a Alcoa e hai xa case dous anos revendida a Parter e posteriormente ao Grupo Riesgo.

O secretario xeral de CCOO advertiu que «non nos fiamos das falsas promesas que están a facer as Administracións», porque son «as mesmas que nos privatizaron, que privatizaron o sector enerxético, as empresas estratéxicas, o sector financeiro, e que hoxe queren continuar esmagando as expresións de dignidade da mobilización obreira», sentenciou.

Ramón Sarmiento anunciou que «hoxe empeza un proceso de mobilización» que culminará o vindeiro 27 de marzo cunha «gran manifestación» na Coruña. «Imos preservar que a súa loita acabe cun proxecto industrial alternativo e que a súa dignidade na loita sexa exemplo para a clase traballadora», asegurou o dirixente sindical.

Para o secretario xeral de CCOO, o persoal de Alu Ibérica é «un exemplo que necesita o conxunto da clase traballadora e a mobilización obreira», e advertiu que «non imos consentir, baixo ningún concepto» que empresas como esta «esmaguen a resposta social e a loita dos traballadores».

Sarmiento concluíu a súa intervención apelando á unidade sindical visibilizada hoxe na Coruña. «Esta unidade sindical é o camiño para defender os nosos dereitos e que non nos asoballen», e amosou a súa confianza en que a saída desta crise chegará «da man da mobilización obreira» e de traballadores como os da antiga Alcoa-A Coruña.

Novas relacionadas

O grupo Parter terá ata o 31 de xullo para formalizar a compra das factorías de Alcoa

CCOO mobilizarase contra a imputación de varios traballadores que participaron na manifestación de Alcoa diante do Congreso

CCOO arroupa en Ferrol os traballadores denunciados despois da protesta de Alcoa en Madrid

CCOO arroupa o traballador de Alu Ibérica imputado polas protestas do ano pasado en Madrid

CCOO e o comité de empresa cualifican de «gravidade extraordinaria» a situación de Alu Ibérica na Coruña

O comité de Alu Ibérica esíxelle ao Goberno central que nomee un xestor para asegurar a viabilidade

CCOO-Industria rexeita o peche de Alcoa-San Cibrao e advirte o Grupo Riesgo de que non consentirá ameazas ao comité de Alu Ibérica

O comité de Alu Ibérica consegue que o Ministerio convoque reunións para abordar o futuro da factoría coruñesa

Nova protesta do persoal de Alu Ibérica para denunciar os incumprimentos do Grupo Riesgo

CCOO esixe a intervención de Alu Ibérica como mellor xeito de garantir o futuro da factoría coruñesa

O persoal de Alu Ibérica continúa a denunciar os incumprimentos de Riesgo