Sindicato Nacional de Comisións Obreiras de Galicia | 23 Abril 2024.

Pesadelo antes, durante e despois de Nadal: Precariedade no comercio

    No período de 50 días que van da última semana de novembro as rebaixas de xaneiro, o persoal do sector de comercio sofren xornadas extenuantes, cargas de traballo extremas e falta de descanso efectivo.

    15/01/2022.
    Precariedade no comercio

    Precariedade no comercio

    Chegou o mes de xaneiro e a pesar da sexta onda da pandemia da COVID, a confianza nas vacinas xuntounos de novo. En casa, coa familia, si; pero tamén nas zonas comerciais das cidades e nas tendas dos centros comerciais.

    Durante case dous meses as persoas que desempeñan o seu traballo neste sector, volveron a sufrir a precariedade laboral e dificultades en materia de conciliación que configuran a « black reality» para este colectivo debido á sobrecarga de traballo. No período de 50 días que comprende a última semana de novembro, o consumo do Nadal de decembro e as rebaixas de xaneiro, estes persoais sofren xornadas extenuantes, cargas de traballo extremas e falta de descanso efectivo.

    Neste tempo concéntranse, ademais, nas comunidades que o habilitan, en torno ao 70% dos domingos e festivos de apertura comercial.

    Iso redundaría no emprego?

    Non ou polo menos, non sempre: o volume de contratación extra ou de reforzo neste período é absolutamente marxinal. E é que o repunte da cotización media na Seguridade Social respecto a setembro ou outubro non chega ao 2% e é inferior ou igual ao período punta en xullo.

    Tampouco melloran os indicadores de precariedade. A taxa de parcialidade sitúase en torno ao 25% no sector fronte ao 17% do conxunto da economía, pero o máis rechamante é que esta variable é cinco veces maior nas mulleres (38,1%) que nos homes (7,5%).

    Xunto aos indicadores de precariedade, existen tamén incumprimentos da normativa legal ou pactada, con prolongacións de xornadas que non se retribúen, falsa parcialidade, persoas realizando horas moi por encima das legais e das fixadas nos seus contratos, ou cambios de horarios sen respectar os calendarios laborais. Así o poñen de relevo os resultados do plan director por un traballo digno 2018-2020 da Inspección de Traballo.

      •