Sindicato Nacional de Comisións Obreiras de Galicia | 17 Abril 2024.

O persoal de Siemens Gamesa afirma que a planta das Somozas é competitiva

  • Os traballadores concentráronse este xoves fronte á delegación da Xunta en Ferrol

O persoal da planta das Somozas concentrouse este xoves fronte á delegación da Xunta en Ferrol para reivindicar que a factoría, ameazada de peche, é competitiva. Lamentaron, así mesmo, que a empresa persista na súa negativa a atender as alternativas propostas tanto polos sindicatos como polos Gobernos galego e central. Na concentración tiveron o apoio de traballadores das empresas auxiliares e tamén de operarios de Navantia.

14/01/2021.
Protesta do persoal de Siemens Gamesa fronte á delegación da Xunta de Galicia en Ferrol (14/1/2021)

Protesta do persoal de Siemens Gamesa fronte á delegación da Xunta de Galicia en Ferrol (14/1/2021)

O vindeiro martes, 19 de xaneiro, constituirase en Madrid a mesa de negociación do expediente de regulación de emprego (ERTE) extintivo que afectará ás plantas das Somozas e Cuenca. Na localidade manchega perderíanse 51 postos de traballo e catro veces máis en Galicia, 215.

A partir de aí comezarían a correr os prazos, un mes para a culminación das negociacións. Os sindicatos manteñen que a planta galega é viable e esixen que se invista nela e se xere emprego na comarca de Ferrol, especialmente tendo en conta a importancia que cobrarán as enerxías renovables nos próximos anos, con concursos xa en marcha.

    •